Community Notification: COVID-19 Alert
Updated: Apr 23, 2020
နေ့စွဲ။ ။ ဧပြီလ ၁၅ ရက် ၂၀၂၀
COVID-19 နှင့်စပ်လျဥ်း၍ အများပြည်သူအား အရေးပေါ်အသိပေးထုတ်ပြန်ကြေညာချက်
လေးစားရပါသော ပန်းလှိုင်အိမ်ရာဝင်းအတွင်း နေထိုင်သူများခင်ဗျာ
ဧပြီလ ၁၀ ရက်နေ့တွင် ကျွန်ုပ်တို့ ပန်းလှိုင်အိမ်ရာဝင်းအတွင်း Jasmine Place 16B ရှိ နေထိုင်သူတစ်ဦးတွင် COVID-19 ပိုးတွေ့ရှိမှုနှင့် ပတ်သက်၍ အသိပေးကြေညာချက် ထပ်မံပြုလုပ်လိုပါသည်။
ယနေ့တွင် ရန်ကုန်တိုင်းအစိုးရနှင့် ကျန်းမာရေးနှင့် အားကစားဝန်ကြီးဌာန၏ အသိပေးကြေညာချက်အရ မိသားစုဝင်နောက်တစ်ဦးတွင် ရောဂါပိုးတွေ့ရှိရသည်ဟု သတင်းရရှိပါသည်။ ထိုမိသားစုရှိ အမျိုးသား နှင့် အမျိုးသမီး နှစ်ဦးစလုံးကို ယခုလက်ရှိတွင် ဝေဘာဂီဆေးရုံတွင် စောင့်ကြပ်ကြည့်ရှုထားပါသည်။ အခြားသော မိသားစုဝင်များမှာ COVID-19 ရောဂါပိုးမတွေ့ရှိရသော်လည်း အစိုးရ၏ ညွှန်ကြားချက်အတိုင်း ဧပြီလ ၁၀ ရက်နေ့မှ စ၍ ၂၁ ရက်တိတိ သီးခြားနေထိုင်မှုဆက်လက် လုပ်ဆောင်သွားရမည် ဖြစ်သည်။ ၎င်းနေထိုင်သူ၏ ပုဂ္ဂိုလ်ရေးအချက်အလက်များကို စာနာထောက်ထား၍ လေးစားမှုပြုလုပ်ပေးရန် တိုက်တွန်းလိုပါသည်။
အိမ်ရာစီမံခန့်ခွဲရေး အဖွဲ့အနေနှင့် အောက်ပါ လုပ်ဆောင်ချက်များကို ဆက်လက် လုပ်ဆောင်သွားမည် ဖြစ်သည်။
• Jasmine Place အိမ်အမှတ် 16B ကို သီးသန့်ခွဲခြား၍ ပန်းလှိုင်အိမ်ရာမှ လုံခြုံရေးဝန်ထမ်းများမှ စောင့်ကြပ်ကြည့်ရှုခြင်းကို ဆက်လက် လုပ်ဆောင်သွားမည် ဖြစ်သည်။
• အကယ်၍ လူကြီးမင်းနှင့် လူကြီးမင်း၏ မိသားစုဝင်တစ်ဦးဦးမှ Jasmine Place အိမ်အမှတ် ၁၆ ရှိနေထိုင်သူ (သို့မဟုတ်) အလုပ်လုပ်နေသူ တစ်ဦးဦးနှင့် ထိတွေ့ဆက်ဆံမှုများရှိခဲ့ပါက ကျွန်ုပ်ထံ တိုက်ရိုက် အသိပေးအကြောင်းကြားစေလိုပါသည်။ ထိုမှသာလျှင် ကျွန်ုပ်တို့အနေဖြင့် လိုက်လံစစ်ဆေးမှုများကို ဆက်လက်လုပ်ဆောင်နိုင်မည် ဖြစ်ပါသည်။
• Country club, Gym, ရေကူးကန် နှင့် ဂေါက်ကွင်းတို့ကို လက်ရှိအချိန်တွင် ပိတ်ထားကြောင်းအသိပေးလိုပါသည်။ အိမ်ရာဝင်းအတွင်း ပေးနေသော Buggy service ကိုလည်း ခေတ္တဆိုင်းငံ့ထားပါသည်။
• Golf Club ကို အိမ်ရာဝင်းအတွင်းနေထိုင်သူများအတွက် ဆက်လက် ဖွင့်လှစ်ပေးသွားမည် ဖြစ်သော်လည်း caddy ဝန်ဆောင်မှုပါဝင်ခြင်းမရှိပါ။
• Country Store ကို ဆက်လက်ဖွင့်လှစ်ပေးသွားမည် ဖြစ်ပြီး လက်ရှိအချိန်အတောအတွင်းတွင် ဆိုင်အတွင်းသို့ လူ ၂ ဦးသာ ဝင်ခွင့်ပြုမည် ဖြစ်သည်။
• Horizon နှင့် Oasis စားသောက်ဆိုင်များမှ အစားအသောက်များကို Yoma Living App ကိုအသုံးပြု၍ (သို့မဟုတ်) ဖုန်းဆက်၍ Take Away (သို့မဟုတ်) Delivery ဖြင့် မှာယူနိုင်မည်ဖြစ်ပါသည်။
• Awei Metta ရှိ Oscar Restaurant စားသောက်ဆိုင်တွင် Take Away ဝန်ဆောင်မှုသာ ရရှိနိုင်မည် ဖြစ်ပါသည်။
• ကျွန်ုပ်တို့အနေဖြင့် အိမ်ရာဝင်းအတွင်းသို့ အိမ်အကူများ (သို့မဟုတ်) ယာဉ်မောင်းများကို ဝင်ခွင့်ပြုတော့မည် မဟုတ်ပါ။
• ပန်းလှိုင်အိမ်ရာဝင်းအတွင်းသို့ ဝင်ရောက်နိုင်သည့် ဝင်ပေါက် ၃ ခု ပြုလုပ်ထားပါသည်။ အရေးပေါ် ကျန်းမာရေး လိုအပ်ချက်ကြောင့် ဆေးရုံ (သို့မဟုတ်) ဆေးခန်း သွားရန်လိုအပ်သည့် အချိန် (သို့မဟုတ်) စားသောက်ကုန် ဝယ်ယူရန်အချိန်များမှသာလျှင် ထိုဝင်ပေါက်များကို ဖြတ်သန်းသွားလာခွင့် ပြုမည်ဖြစ်သည်။
ကျွန်ုပ်တို့အနေနှင့် နောက်လာမည့် ၁၄ ရက်အတွင်း မလိုအပ်သော ထိတွေ့ဆက်ဆံမှုများ ကိုရှောင်ရှားရန် နှင့် နေအိမ်တွင်နေပြီး မိမိကိုယ်ကိုကာကွယ်စောင့်ရှောက်မှု ပြုလုပ်ကြရန် တိုက်တွန်းအကြံပြုလိုပါသည်။
သင့်အနေနှင့် COVID-19 ကူးစက်မှုဖြစ်ပွားနေသော နိုင်ငံများသို့ သွားရောက်ဖူးသည့် ခရီးသွား ရာဇဝင် ရှိသည် ဖြစ်စေ၊ COVID-19 နှင့်ပတ်သက်သည့် ရောဂါဝေဒနာများကို ခံစားရလျင်ဖြစ်စေ အောက်ပါအချက်များကို လိုက်နာ ဆောင်ရွက်ကြရန် အကြံပြုလိုပါသည်။
• ဆေးဘက်ဆိုင်ရာ ကျွမ်းကျင်သူ၏ အကြံပေးမှုကို ရယူပါ။
• အနည်းဆုံး ၁၄ ရက်တိတိ အခြားသူများနှင့် ထိတွေ့ဆက်ဆံခြင်းကို ရှောင်ကြဉ်ပါ။
• ပန်းလှိုင်အိမ်ရာ စီမံခန့်ခွဲရေး အဖွဲ့သို့အကြောင်းကြားပါ။
• မိမိ၏လက်ကို မကြာခဏ ဆေးပေးခြင်း အစရှိသည့် တကိုယ်ရည်သန့်ရှင်းမှုကို ထိန်းသိမ်းဆောင်ရွက်ပါ။
COVID-19 နှင့်ပတ်သက်၍ ပိုမိုကောင်းမွန်သော အကြံဉာဏ် လုပ်ဆောင်ချက်များကို သိရှိလိုပါက အောက်ဖော်ပြပါ ကမ္ဘာ့ကျန်းမာရေးအဖွဲ့၏ ဝဘ်ဆိုဒ်တွင် ကြည့်ရှုနိုင်ပါသည်။
https://www.who.int/emergencies/diseases/novel-coronavirus-2019/advice-for-public
လူကြီးမင်းအနေဖြင့် အကူအညီ တစ်စုံတစ်ရာ လိုအပ်ပါက ကျွန်ုပ်တို့၏ အိမ်ရာဝင်းအတွင်းရှိ ဖုန်းလိုင်းဖြစ်သော ၁၄၆၁ (သို့) ၀၉ ၉ ၅၅ ၄၀၀ ၉ ၁၁ ထံ ဆက်သွယ်ခေါ်ဆိုနိုင်ပါသည်။
လူကြီးမင်းအနေဖြင့် ဆေးဘက်ဆိုင်ရာ သတင်းအချက်အလက်များကို သိရှိလိုပါက ပန်းလှိုင်စီလုံဆေးရုံ၏ အရေးပေါ်ဖုန်းလိုင်းဖြစ်သော ၀၁ ၃၆၈၄ ၃၂၃ သို့ ခေါ်ဆိုနိုင်ပါသည်။
အထက်တွင်ဖော်ပြသွားသည်များမှာ ကြိုတင်ပြင်ဆင်လုပ်ဆောင်မှုများသာဖြစ်ပါသည်။ ကျွန်ုပ်တို့၏ ကြိုတင်ပြင်ဆင်မှုများသည် နောင်ထပ်ဖြစ်ပေါ်လာနိုင်သော အခြေအနေ အရပ်ရပ်တွင် ချက်ချင်းလက်ငင်း တုံ့ပြန်ဆောင်ရွက်နိုင်စေရန် နှင့် ပွင့်လင်းမြင်သာမှုရှိစွာ လုပ်ဆောင်နိုင်စေရန် ရည်ရွယ်ပါသည်။
ရိုသေလေးစားစွာဖြင့်
Jonathan Hegarty
General Manager
Comentários